Quranın Qalunun rəvayəti əsasında rəqəmsal nüsxəsi hazırlanıb
İQNA-nın (Beynəlxalq Quran Xəbər Agentliyi) verdiyi xəbərə görə, Qurani-Kərimin Qalununun Nafedən rəvayəti əsasında rəqəmsal nüsxəsi hazırlanıb.
Qalunun Nafedən rəvayət etdiyi və "Mədinə müshəfi" adlanan bu Quran nüsxəsi hazırda Libiya və Tunisdə geniş yayılmış qiraət növüdür.
Səudiyyə Ərəbistanın Mədinə şəhərinin "Məlik Fəhəd Quran nəşri və çapı kompleksi" hazırda həmin nüsxəsinin Osman Taha xətti ilə yazılmış rəqəmsal (digital) nüsxəsini hazırlayır.
Məhəmməd Salim Ufi (Səudiyyə Ərəbistanın Mədinə şəhərinin "Məlik Fəhəd Quran nəşri və çapı kompleksi"nin baş katibi) bu barədə deyib: "Məlik Fəhəd Quran nəşri və çapı kompleksi" Osman Taha xətti ilə çap etdiyimiz Quran nüsxəsinə Qalunun Nafedən rəvayəti əsasında hazırlanmış Mədinə Müshəfinin "word" faylını əlavə etmişdir.
O əlavə edib: Bu rəqəmsal və elektron nüsxənin həqiqili və etibarlılığı Mədinə şəhərinin "Məlik Fəhəd Quran nəşri və çapı kompleksi" tərəfindən təyid edilmişdir.
