Masallaci Larabanga; babban masallaci a yammacin Afrika

Accra (IQNA) Masallacin Larabanga shi ne masallaci na farko a Ghana da aka gina shi da tsarin gine-ginen Sudan a kauyen Larabanga kuma yana daya daga cikin tsofaffin masallatai a yammacin Afirka, wanda ake kira "Makka ta yammacin Afirka".

Kamfanin dillancin labaran kur’ani na iqna ya habarta cewa, masallacin Larabanga an sake gyara shi sau da dama tun bayan da aka gina shi a shekara ta 1421. Gidauniyar Monuments na Duniya (WMF) ta ba da gudummawa sosai wajen gyarawa da kuma dawo da kayan ado da kuma gabatar da wannan masallaci a matsayin daya daga cikin wurare 100 da ke cikin hadari.

A cikin wannan masallacin, akwai wani tsohon kwafin kur’ani, wanda aka ba shi kyauta ga Yidan Barimah Bramah, limamin masallacin a lokacin, a shekara ta 1650. Wannan masallacin da aka gina shi ta amfani da yumbu da itace daga yammacin Afirka, yana da doguwar hasumiya mai siffar dala guda biyu, daya a matsayin bagadi da ke fuskantar Makka, daya kuma a matsayin minarat dake arewa maso yammacin kasar, wanda ke da gine-gine masu siffar albasa guda 12. .

Kamar yadda wata tatsuniya ta nuna, a shekara ta 1421, wani musulmi dan kasuwa mai suna Ayub, yana zaune a kusa da wani dutsen sufa, ya yi mafarkin an umarce shi da ya gina wannan masallaci. Wani abin al'ajabi, da ya farka sai ya tarar da harsashin ginin masallacin, ya ci gaba da gina masallacin har aka kammala.

An yi imani da cewa Ayub ya ba da umarnin a binne shi a kusa da masallacin, bayan kwana uku, baobab (bishiyar burodin biri) da ke kan kabarinsa ya zama kore, kuma a kiyaye shi daga tsara zuwa tsara. Itacen baobab dake kusa da masallacin an san yau da wurin kabarin Ayub. Da alama mutanen birnin Larabanga sun yi imani cewa ganye da kuma tushen wannan bishiyar baobab suna magance cututtuka.

Ba kamar masallatan da ke cikin birane a yammacin Afirka ba, masallacin Larabanga kadan ne. Wannan masallaci na daya daga cikin tsofaffin masallatai takwas da ake girmamawa a kasar Ghana.

A watan Satumba na shekara ta 2002, guguwa mai ƙarfi ta lalata bagadi da minaret. Sakamakon haka, asusun tunawa da tarihi na duniya (WMF) ya ayyana masallacin a shekarar 2002 a matsayin wani aiki da ke bukatar kulawa da kuma gyarawa saboda barnar da aka yi bayan gyara da bai dace ba a shekarun 1970.

4152435