له پاکستان نه ۶۰ زره افغان کډوال خپل وطن ته ستانه شوي
ایکنا نیزو د پارس ټوډې له قوله راپور راکړ،د پاکستان حکومت درستو غیرقانوني مهاجرو ته د نومبر تر اولې نیټې مهلت ورکړی چې له دغه هیواده ووځي.
په عین حال کښې راډیو پاکستان ویلي چې له دې اعلانه وروسته تردې دمه ټولټال کابو۶۰ زره افغان کډوال افغانستان ته ستانه شوي دي او دا کار به په سیمې باندې مثبته اغیزه وکړي.
پاکستانيو رسنیو خبرورکړی چې له دغه هیواده د ناقانونه کډوالو د وتلو لپاره د یو میاشتني مهلت له ټاکل کیدو وروسته ۶۰ زره افغانستاني کډوال خپل هیواد ته ستانه شوي دي.
دغې رسنۍ زیاته کړې چې د افغانستان د کډوالو د چارو کمیشن خپلو ښاریزو ته د ستیدو د اسانتیا لپاره مناسب تسهیلات ورکوي.
په تیرو دوو کلونو کښې ۶ لاکه افغانستاني ښاریز پاکستان ته تلې دي.
راډیو پاکستان همداشان ویلي چې د دغه هیواد امنیتي ځواکونه هم د افغانستاني ښاریزو د خوندي ستنیدو لپاره په پوله کښې فعال دي.
د افغانستاني کډوالو د ایستلو لپاره د پاکستان فیصله د بشري حقوقو د ارګانونو له نیوکې سره مخامخ شوې ده.د بشري حقوقو فعالان له پاکستانه غواړي چې په خپلې دې فیصلې دوباره غور وکړي.
د ملګرو ملتو د بشري حقوقو کارپوهانو په یوې ګډې بیانیې کښې ویلي دي چې د ناقانونه کډوالو د ایستلو لپاره د پاکستان فیصله د افغانستان په څه باندې څوارلس لاکه وګړو باندې اغیزه کوي.
