Талоши кӯдаки фаластинӣ барои ҷамъоварии варақаҳои Қуръон пас аз бомбаборони Ғазза + филм
Ба гузориши хабаргузории Алҷазира, иқдоми Рами Абутаъима, кӯдаки фаластинӣ дар ҷамъоварии варақҳои Қуръон аз байни овори масҷиде дар шаҳри Хон Юнус дар Навори Ғазза бо вокуниши мусбати корбарони фазои маҷозӣ рӯбарӯ шуд.
Ин кӯдаки фаластинӣ натавонист таҳаммул кунад, ки сафаҳоти Қуръон дар миёни вайронаҳои ин масҷид, ки бар асари бомбаборони ҷангандаҳои режими палид ва ҷинояктори саҳюнистӣ вайрон шуда буд боқӣ бимонад.
Рами Абутаъима, сафаҳоти Қуръонро аз миёни овор ҷамъ кард ва бар сакуи баланде гузошт. Ӯ дар посух ба ин савол, ки чаро ин корро кардӣ гуфт: Дорам сафаҳоти Қуръони Карим, китоби Парвардигорамонро ҷамъоварӣ мекунам ва дар кисае мегузорам то ишғолгарони саҳюнистӣ сафаҳоти онро пора накунанд ва онҳоро аз ҳавопаймо партоб накунанд.
Клипе, ки Рами Абутаъимаро дар ҳоли ҷамъоварии сафаҳоти пора шудаи Қуръон нишон медиҳад, мавриди тақдир ва тамҷиди фаъолони шабакаҳои иҷтимоӣ қарор гирифт. Марям Атавӣ яке аз корбарони шабакаи иҷтимоии Х навишт: Худованд туро ёрӣ кунад ҳамонтавр, ки ту Ӯро ёрӣ мекунӣ.
Корбари дигаре ин иқдомро нишонаи имон қавии кӯдакони Ғазза бо вуҷуди таҳаммули масоиби шадид дар чанд моҳи гузашта донист.
Аз ҳафтуми октябри соли 2023 токунун бар асари ҳамалоти ваҳшёна ва бераҳмонаи режими палид ва кӯдаккуши саҳюнистӣ ба Навори Ғазза беш аз 34000 нафар аз ғайринизомиёни ин минтақа шаҳид шуданд, ки бештари онҳо кӯдак ва зан буданд. Ҳамчунин ҳудуди 77000 нафар маҷрӯҳ ва садҳо ҳазор нафар овора шудаанд. Режими ҷинояткори саҳюнистӣ дар ин ҳамалот, ба тахриби густурдаи манозил ва зерсохтҳои Навори Ғазза аз ҷумла масоҷид ва калисоҳо иқдом кардааст.
