Qüdsdə Mübarək Ramazan ayının ikinci cümə namazı - Foto
Tehran (IQNA) - Ötən gün (Cümə, 23 Aprel 2021) Fələstinin pytaxtı Qüds şəhərində 60 mindən çox fələstinlinin iştirakı ilə Mübarək Ramazan ayının ikinci cümə namazı qılınıb.
Sionist İsrail rejiminin Qüdsdə yaşayanlar və Fələstinin işğal olunmuş digər bölgələrindən fələstinlilərin Əqsa məscidinə toplaşmasını əngəlləməsinə baxmayaraq bu gün Əqsa məscidində cümə namazına xeyli sayda insan qatılıb.
İsrail polisi Qüds şəhərinin şərq hissəsində namazdan sonra toplaşmış fələstinlilərə qarşı su şırnaqları və səs qumbaralarından, həmçinin atlı polislərdən istifadə edib.
Fələstinlilər əl-Əqsa məscidində qıldıqları namazdan sonra Qədim Qüds şəhərinin Dəməşq qapıları yaxınlığında toplaşıblar.
Qızıl Ayparanın Fələstin Cəmiyyətindən verilən məlumata görə, İsrail polisi fələstinlilərə qarşı rezin güllələrdən istifadə edib.
Nəticədə 105 fələstinli xəsarət alıb, onlardan da 22-si xəstəxanaya yerləşdirilib.
Fələstinlilərin əksəriyyəti məhz rezin güllələrdən xəsarət alıb. /iqna
