Nakala za Qur'ani, Vitabu vya Fiqh katika Banda la Oman lilolo maonyesho ya vitabu Tehran

TEHRAN (IQNA) – Banda la Oman katika Maonyesho ya 34 ya Kimataifa ya Vitabu ya Tehran limeweka vitabu vya maonyesho katika nyanja tofauti, afisa msimamizi wa banda hilo alisema.

Khaled al-Rashidi, ambaye pia ni mwakilishi wa wizara ya uenezaji Kiislamu ya Oman, alisema vitabu hivyo vinajumuisha nakala za Qur'ani Tukufu pamoja na vitabu vya Fiqhi (sheria za Kiislamu), masomo ya kidini na utamaduni na fasihi ya Oman.

Aliiambia mwandishi wa IQNA kuwa pia kuna vitabu vya watoto vinavyoonyeshwa kwenye banda hilo.

Al-Rashidi alipongeza mapokezi mazuri ya vitabu vya Kiarabu na Wairani na kusema hawakutarajia wageni wengi katika banda hilo.

Alipoulizwa kuhusu uchapishaji wa vitabu vya dini nchini Oman, alisema kuwa idadi ya vitabu vyenye mada za kidini vilivyochapishwa nchini humo imeongezeka katika miaka ya hivi karibuni na kwamba wizara ya Awqaf (wakfu) ya nchi hiyo inaunga mkono uchapishaji wa vitabu hivyo.

Toleo la 34 la maonyesho hayo ya vitabu lilizinduliwa huko Tehran Katika Eneo la Utamaduni la Imam Khomeini (RA) Musalla Jumatano iliyopita na litaendelea hadi Mei 20.

Takriban wachapishaji 3,000 wa Iran na nchi za nje wanashiriki katika maonyesho hayo ya vitabu.